Xornadas Terra e Cultura Sustentable, outono 2009 (Santiago)

Ver el tema anterior Ver el tema siguiente Ir abajo

Xornadas Terra e Cultura Sustentable, outono 2009 (Santiago)

Mensaje  trevo el Miér Oct 21, 2009 10:36 pm

Xornadas Terra e Cultura Sustentable, outono 2009 no Fogar do Santiso
www.terraecultura.org

Próxima xornadas:

Sábado 24 de outubro: Agricultura e Gandeiría Sustentable II
Con Eliecer Alvarez de Alagua-Ecotecnoloxía e Andres Reboreda de Reboreda SL.

Sábado 31 de outubro: Silvicultura Sustentable
Con Cesar Lema, Carlos Camino e Ivan Novoa de PermaCultura na Galiza e con
Ramiro Martínez do viveiro O Pomariño

Sábado 7 de novembro: Auga e Sustentabilidade
Con Xan Neira (profesor de Agroecoloxía da USC), Andres Reboreda e Analía Moares
de As Corcerizas.

------------------------------------------------
Horta Ecolóxica e Millo Corvo en Terra e Cultura

O sábado 17 de outubro tivo lugar a 1ª xornada adicada a Agricultura e Gandeiría
Sustentable, dentro da proposta "Terra e Cultura Sustentable" que organiza a
Asociación Cultural Os Ameios no Fogar do Santiso. Esta temática terá
continuidade na xornada do sábado 24 de outubro.

O obxectivo da xornada foi o e amosar experiencias reais de traballo no eido da
Agricultura Tradicional e da Recuperación de Cultivos Autóctonos. Isto foi
posible, grazas á inestimable axuda e colaboración de Pilar Vispo, da horta
ecolóxica de Vila de Cruces - A Casa da Quenlla, así coma dos membros da
Asociación Cultural Meiro de Bueu.

A proxección do vídeo "Rexurdir do Millo Corvo, testemuña dunha tradición",
alimentou o debate e a reflexión sobre a compostaxe, a recuperación de
variedades autóctonas, os manexos gandeiros, a procura de sementes ecolóxicas, a
produción e comercialización… Para continuar coa animada charla e facelo
in-situ, tod@s foron á horta ecolóxica do Fogar do Santiso onde puidose ver
diferentes técnicas de cultivo e comentar as peculiaridades do traballo na
horta.

Na oferta de actividades culturais e de lecer, puidemos ver en directo a
artesanía en cestería por parte dos membros da Asociación de Pais de
Minusvalidos de Teo (ASPAMITE), mesmo acompañaranos á visita á horta e na
recollida do millo. Tamén contamos co traballo en vivo de Oscar Aldonza e Tucho
Abalo na súa proposta RECICL-ARTE, estando a integrar o vidro de reciclaxe do
restaurante e o barro nunha escultura que en cada xornada ira collendo forma e
tamaño.

A charanga TNT de Teo animou ao público durante as actividades e no xantar.

As actividades para @s nen@s comezaron coa visita á horta para recoller o millo
para despois desfollalo entre tod@s. Xogos de recoñecemento de plantas
medicinais e co paracaidas, serviron para que participara toda a familia.

Á tarde e da mán de Alvaro Parajó, da Asociación Cultural A Mamoa, puidemos
percorrer parte do roteiro de Luou. Alvaro explicounos o valor deste roteiro e
mesmo puidemos ver alguns dos seus sinais máis identificativos.

Foi unha xornada completa que rematou á posta do sol e que permitiu amosar
experiencias concretas de traballo sobre cultivos autóctonos e horta ecolóxica.
Tamén puidemos ter momentos de lecer e compartir nas actividades, que serviron
para poder nos coñecer mellor. Terra e Cultura vai indo no proceso de animar
cara á integración cultural e social e na procura da reflexión pola
sustentabilidade. Animádevos a participar connosco.

trevo

Cantidad de envíos : 233
Edad : 43
Localización : Galiza
Fecha de inscripción : 28/03/2008

Ver perfil de usuario

Volver arriba Ir abajo

Ver el tema anterior Ver el tema siguiente Volver arriba

- Temas similares

 
Permisos de este foro:
No puedes responder a temas en este foro.